][ لـــكن حبيـــبي حــي ومع ذا .. رثيــــته ][

,
أقول بنسى .. وأحسب أني نسيته
.............الحب الأول صعب نسيان .. راعيـه




عانيت من بعده كثر ما .. هويته
.............لا أحتلت في قربه ولاني .. بناسيه





له منزله في وسط روحي .. بنيته
.............جدرانه ضلوعي وهو ساكن .. فيــه




دورت له بين الضلوع .. ولقيته
.............خلف الضلوع يبين ما طاع .. خطاويه




واليوم يوم احتجت له .. مالقيته
.............حتى الأثر بين الأضلاع .. ماحيـه




ما فيه شخص في حياتي .. بكيته
.............إلا الذي مات مانيب .. راجيــه




لكن حبيبي حي ومع ذا .. رثيته
.............من قلبي اللي أحسن الله .. تعازيـه




حملت قلبي بالهموم .. ورجيته
.............كـني ما أعرف إلا غيابه .. وأحاتيـه




أقول بنسى و أثرني .. ما نسيته
.............الحب الأول صعب نسيان .. راعيــه
.
.
تحياتي: