="نصيحتي للي يبي ينسى شخص جرحه ويبي يفتك من أغنية "أبي أنساك " اللي تدندن فوق راسه4"]
اول شي حط في بالك أن الدنيا ما تصفى لأحد وأنه مافي إنسان عايش فيها بدون هم لأننا لازم نذوق المر على شان نميز الحلو
أحمد ربك أنك كشفته بدري قبل ما تتعلق فيه أكثر وساعتها نسيانه راح يكون أصعب
حط في بالك أنك مستحيـــل تكون تهمه دامه سوى بك كذا فليه تظيع وقتك عليه وهو ما يضيع ثانيه عليك "مستحيل نفسك تهون عندك لها الدرجه من الذل"
حاول أنك تنسى كل شي حلو عنه وكل ذكرى حلوه جمعتك أنت وياه وهالشي ضروووووري "وتراها موصعبه حط ببالك تنسى بتنسى صدقني"
ولا تنزل دمعه عليه من اليوم ورايح لأن دموعك غاليه وهو ما يستاهلها
وحاول أنك تتذكر كل شي شيــن جاك منه أو جى لغيرك من هالشخص اللي تبي تنساه"وهذي أحلا طريقه ونتايجها رهـــيبه"أطلب ربك اللي ما خاب من رجاه ينسيك هاللئيم اللي باعك
ويعوضك بأحســـن منه
ولا تخلي الدنيا تسود في وجهك بسبته أو حتى تكره عمرك وتتمنى الموت ..
لأنك بها الطريقه خليته أكبر من حجمه وحسسته بإنتصاره عليك ولا تنسى أنه مثل ما الدنيا فيها ناس مثله
فيها الأنظف والأحلى وهي حلـــوه بس لازم نفتح عيوننا على حلاوتها وما نقصر أعمارنا "ومثل ما فيها شياطين.. فيها ملائكة"كل ما جاك ذكراه حاول تلهي عمرك وتنشغل بأي شئ
"أطلع من البيت , كلم أحد ,...إلخ "
لا تطلب النصيحه من القراب له لأنهم راح ينصحونك بالرجوع
وهذا الشي مو في مصلحتك, لكن حاول تفظفظ لأحد بعيد عنه ومو مشكله إذا كان يعرفه لكن مو يحبه
ولا تنسى أن ربي بلاك ليمتحن صبرك
وأن الأنبياء لاقوا أكثر منك وصبروا "عليهم أفضل الصلاة والتسليم "
وآخر شي وأهم شي
** تذكر دايم أن ربك خلقك وخلق معك الكرامه والمعزة اللي أنفردت بها عن باقي المخاليق
فكرامتك أغلا ألف مره من شخص باعك ولا أهتم فيك
لأن اللي يعيش بدون كرامه مثل الشخص الميت اللي بدون روح **
ياليت تكون نصايحي فادتكم لأني مجربه هالأشكال كثيـــــــر
ومن بعد ماسويت كذا نسيتهم ونسيت اللي جابهم
وإذا سووتوها ولسه مابعد نسيتوا قولوا لي ولا تستحون يمكن أفيدكم
أو حتى أساعدكم
وبدل ما تكررون أغنية أبي أنساك
أنصحكم بـ " ما أنتي نهاية دنيتي لو تغيبي " << للبنات
و"نسيناكم " << للأولاد والبنات
وخيتكم اللي ماهان عليها جرحكم :
EMO GIRL